Middelstevlei Gastehuis is presies wat jy nodig het vir daardie totale rus en vrede.

Ons plaas is 48 km grondpad vanaf Laingsburg en 84 km vanaf Sutherland. Gaan stap in die omgewing en voel hoe die stilte en vrede jou omvou, of ontspan sommer net in die boma met ń vuur, goeie vriende en ń lekker glasie wyn.

Ervaar ware Karoo liefde en gasvryheid met vars gebakte brood, konfyt en beskuit soos net Netta dit kan maak!

Verken ons waterval, geniet ń rustige braai onder ons beroemde “groot krans”, terwyl jy luister na die roep van die Witkruis-arende soos hul sweef hoog daarbo.